જેવી કદંબકેરી છાયા, એવી શ્રીનાથજી ની માયા

જેવી કદંબકેરી છાયા, એવી શ્રીનાથજી ની માયા

જેવા મોગરાની માળા, એવા શ્રીજી છે રુપાળા

જેવા જમના જી ના પાણી, એવી શ્રીનાથજી ની વાણી

જેવા સુરજ નભમા રાજે , એવા શ્રીનાથજી બિરાજે

જેવા તુષાર બિંદુ ચમકે , તેવા શ્રીનાથજી તો દમકે

જેવી ફુલકળી ફુલવારિ ; એવા શ્રીનાથજી સુખકારિ

જેવો ઇન્દ્રધનુષ સતરંગી , એવા શ્રીનાથજી મનરંગી

જેવા કેસરિયા કેસુડા, એવા શ્રીનાથજી છે રુડા

જેવી ઝરમર ઝરમર વેલી , એવી શ્રીનાથજી હવેલી

જેવા નટખટ નંદના લાલા , એવા શ્રીજી સૌના વ્હાલા

જેવા કલકલ કરતા ઝરણા , એવા શ્રીનાથજી દુખ હરણા

જેવા ધરતી ઉપર તરણા, એવા શ્રીનાથજીસુખ કરણા

જેવા જીવનરસ ના ભાથા, એવા શ્રીનાથજી ની ગાથા

જેવી કદંબકેરી છાયા, એવી શ્રીનાથજી ની માયા

જેવી કદંબકેરી છાયા, એવી શ્રીનાથજી ની માયા